MGA SALITANG NAUSO NGAYONG 2021

1. Plantito/Plantita- isang jargon na salita mula sa pinagdugtong na "Plant" at "Tita". Mga taong nakahahanap ng kaligayahan sa pag-aalaga ng mga halamang pantahanan.

2. Community Pantry-  isang proyekto ng mga pribadong indibidwal na nagbibigay tulong sa mga mahihirap o nangangailangan. Nagtatayo sila ng pwesto na kung saan pwedeng kumuha ng mga pagkain o gamit basta ito ay ayon sa pangangailangan ng tao. Bilang kapalit sa kinuha, maaaring magbigay ng ibang produkto. 

3. Online Class- isang sistema ng pag-aaral na ang klase ay isinasagawa sa online (paggamit ng internet upang tayo ay makipagsalamuha sa estudyante o guro). Isa itong paraan upang maiwasan ang paglaganap ng sakit ng mga mag-aaral ngayong pandemya.

4. Webinar-  isang live na web-based video conference na gumagamit ng internet upang ikonekta ang indibidwal na nagho-host ng webinar sa isang madla-ang mga manonood at tagapakinig upang talakayain ang isang usapin.

5. TikTok- Ang TikTok (dating kilala bilang Musical.ly) ay isa sa napakalaking apps ng social media na sumikat dahil sa Quarantine. Madaling gamitin ang application na ito at pinapayagan ang mga gumagamit na lumikha ng masaya at nakakatawang mga video sa isang iglap. 

6. Milk Tea- pinasimpleng tawag sa pearl milk tea at iba pang kaparehang uri ng mga tsaa at inuming mula sa pinaghalong gatas, tsaa, arnibal, asukal at mga piling prutas.

7. Ayuda- kusang-loob na pagbibigay ng tulong mula sa gobyerno o pribadong indibidwal para sa pinansyal, materyal, at makakain ng mga tao lalo na sa panahon ng kalamidad.

8. Online Shopping- isang web-based na mga tindahan na nakabukas 24/7. Sa makatuwid, maaari kang bumili anumang oras at kahit saan ka man hanggat ikaw ay may access sa internet gamit ang iyong kompyuter, cellphone, at iba pang mga gadget.

9. Internet Love- bagong anyo ng pag-ibig na nagaganap sa social media o dating sites. Nangyayari ang pagliligawan gamit ang Facebook, Twitter, Instagram, Tinder, Grindr at marami pang iba.

10. Kween- isang salitang nanggaling sa "gay lingo" o "bekimon" na ibig sabihin ay Queen na ginagamit upang parangalan ang isang babae o beki na nagtatagumpay sa kaniyang ginagawa.

MGA SALITANG NA USO NOONG 2019

 1.Waley - Ang salitang waley ay ginagamit nating nga Pilipino na ang ibig sabihin ay : hindi pag-sangayon ; napaka-palpak, mga bagay na nag-uugnay sa negatibo.

1.Syonga - Ito ay salitang kanto na ang ibig sabihin ay "Tanga"

3.Walwal - Ang walwal ay isang uri ng "bonding" o kasiyahan ng mga magkakaibigan, magbabarkada at magtotropa. Kadalasang ginagawa nila ay paginom ng  alak.

4.Keri - Salitang ingles na "Carry" na isinalin sa salitang Filipino na "Keri" na ang ibig sabihin ay    "Kaya ko to" madali lang o kakayanin.

5.Taratitat - Ang pormal na kahulugan nito ay  babaeng madaldal at pakialamera.

6.Krung krung - Ang ibig sabihin ng salitang ito ay sira ulo o baliw.

7.Havey - isang expression na karaniwang ginagamit ng mga pilipino upang tukuyin ang pag-apruba, pagpasa, magandang trabaho, kaaya-ayaang mga pangyayari, o anumang nauugnay sa positibo.

8.Jontis - Ang pormal na kahulugan ng salitang ito ay Buntis.

9.Charot - Minsan totoo, minsan hindi. Ni hindi maipaliwanag kung biro pa rin ba o sadyang totoo na. Yung tipong akala mo seryoso na, iyon pala hindi. ‘Yung tipong nag-umasa ka na pero wala lang pala. Isa lang pala itong malaking “charot”.

10.Kulasisi - Ito ay kadalasan na sinasabi ng totoong asawa " Kulasisi" na ang ibig sabihin ay Kabit. 

MGA SALITANG NAUSO NOONG 2020

1. COVID-19-  isang bagong uri ng coronavirus na umaapekto sa iyong baga at mga daanan ng hininga. 

2. Pandemya- isang epidemya ng nakakahawang sakit na kumakalat sa pamamagitan ng mga populasyon sa isang malawak na rehiyon — halimbawa, isang lupalop o pandaigdigan.

3. Quarantine- isang uri ng health protocol na kung saan ay oobserbahan ang isang hinihilaang pasyente kung positibo o negatibo sa isang kumakalat na virus.

4. Coronavirus- ay isang malaki at iba't ibang pamilya ng mga virus na nagiging sanhi ng mga karamdamang gaya ng karaniwang sipon.

 5. Presintomatiko- pinakaunang yugto ng sakit na kung saan hindi pa nakikitaan ng anumang sintomas ang isang partikular na pasyente.

6. Sintomatiko- yugto ng pagkakasakit na kung saan nakikitaan na ang isang pasyente ng mga sintomas ng sakit 

7. Asintomatiko- isang pasyente na hindi nakikitaan ng anumang sintomas ng partikular na sakit. 

8. PUI- (Person Under Investigation), mga taong may sintomas ng Covid-19 at may travel history sa mga bansang may kompirmadong kaso ng virus.

9. PUM- (Person Under Monitoring), mga taong na-exposed sa Covid-19, ngunit hindi nakikitaan ng sintomas.

10. Contact Tracing- contact tracing ay isang simple, kumpidensyal na proseso na dekada nang ginagamit ng mga kagawaran ng pampublikong kalusugan upang mahanap ang mga hinihilaang carrier ng isang sakit.

MGA SALITANG NAUSO NOONG 2018

 1.Dengvaxia - ay isang uri ng bakuna kontra Dengue.Ang bakunang ito ay nag sanhi ng pagkamatay ng halos 14 na mga batang naturukan ng nito.

2.DDS - ay "kumakatawan sa" Davao Death Squad ", isang pangkat ng mga vigilantes na matapat kay Duterte at sinasabing nasa likod ng maraming pagpatay sa Davao sa kanyang termino bilang alkalde ng lungsod noon.

3.Dilawan - ang kulay ng Liberal Party, na nasa kapangyarihan sa anim na taon bago ang kay Duterte, sa ilalim ni Pangulong Benigno "PNoy" Aquino III.Ito rin ang tawag sa mga taong hindi sumusuporta kay Duterte.

4.Fake news - ay maling pagbabalita o maling impormasyong isinasaad sa balita kung ito ay sumasalungat sa masusing pananaliksik ng mga ebidensya o facts, at ito rin ay sumasalungat sa pinaniniwalaan ng isang tao o ng nakararami.

5.Federalismo - ay isang uri ng sistema ng pamahalan na kung saan ang isang bansa ay mahahati sa estado o rehiyon, at ang bawat estado naman ay magkakaron ng kalayaan para magkaroon ng sariling pamahalan. Sa madaling salita, ito ay sistema ng pamahalan kung saan mas naibabahagi ang kapangyarihan, pondo at programa sa pamahalaang panrehiyon at panlokal.

6.Foodie - ay isang salitang Ingles na tumutukoy sa mga iyon mga taong mahilig sa pagkain at inumin. Maaari itong isalin sa Espanyol bilang pagkain.

7.Quo warranto - ay isang aksyon o reklamo na maaaring isampa sa isang opisyal ng gobyerno kung hindi ito kuwalipikado sa posisyon na inuupuan.

8.Resibo - ay isang nakasulat na dokumento na naihatid upang maitala at patunayan na ang isang tao ay nagbayad ng kanilang inutang o kailangang bayaran .

9.Tokhang - ay halaw sa pinagtiyap na mga salitang Binisaya na toktok (“katok”) at hangyo (“pakiusap”) na ibinansag sa giyera kontra-droga ng administrasyon ni Pangulong Rodrigo R. Duterte. 

10.Troll - mga taong nagsisimula ng away sa internet sa pamamagitan ng pag post ng mga hindi kaaya-aya,lubhang mapanira at naminsala sa morale ng isang tao.

MGA SALITANG NAUSO NOONG 2017

1.OOTD- O mas kilala sa "Outfit of the day" ang tawag ngayon sa mga taong sumusuot ng damit na gagamitin nila o komportable nilang gagamitin sa tiyak na araw na iyon. Ginagamit ang (#OOTD) sa mga social media sites. Ipopost nila itong mismong damit at lagyan ng hashtag upang sabay sa uso.  

2.YOLO- Nangangahulugang "You only live once" o sa tagalog ay "minsan ka lang mabuhay". Ito ay isang akronim na kadalasang ginagamit upang iparating na na ang buhay ay maikli na kailangan mong samantalahin dahil minsan ka lang nabubuhay.

3.OTW- ON THE WAY - na ang ibig sabihin ay "papunta na" o kasalukuyang patungo na sa isang lugar. Ginagamit ang "OTW" upang ipaalam sa isang tao kung kailan at kung saan ka naroroon o patungo. 

4.TBH-To be honest o maging matapat". Maaari mo itong gamitin kung ikaw ay nagsasabi ng totoo. Gayunpaman, Ang TBH ay karaniwang isang direktang pagdadaglat para sa pariralang "upang maging matapat" sa karamihan ng sitwasyon.

5.BRB- Ang ibig sabihin ay "BE RIGHT BACK" O "MAGING PABALIK" Ito ay isang parirala na nagangahulugang ang iyong kausap ay pansamantala munang mawawala sa maikling panahon. Ito ay madalas ginagamit bilang isang paraan upang maipahayag na siya ay mayroon lamang gagawin pero siya ay kaagad na magbabalik. 

6.IDK- I DON'T KNOW o "HINDI KO ALAM" na kung ikaw ay walang nauunawaan sa isang bagay o wala kang sapat na alam sa isang impormasyon ay maaari mo itong gamitin. Kung ikaw ay may pag-aalinlangan o walang katiyakan sa isang bagay. 

7.SHOOKT- Millennial term na galing sa salitang "shocked" na sa tagalog ay nagulat.

8.SLAY- Literal na term nito ay pumapatay pero sa millennial ang ibig sabihin nito ay ginalingan. 

9.POTS- Na ang ibig sabihin ay "OK". Galing sa element na "potassium" na may chemical symbol na "K" O sa tagalog ay "pating" na ginagamit ng millennial na "PATINGIN"

10.SALT- Na sa tagalog ay "ASIN" kaya ginamit bilang expression na "AS-IN"

MGA SALITANG NAUSO NOONG 2016

1. Fotobam- ang direktang salin sa Filipino ng terminong “photobomb,” na tumutukoy sa paninira ng tao o bagay sa isang larawan sa pamamagitan ng pagsingit dito.

2. Hugot- isang kontemporaryong ekspresyon o pagpapahayag ng mga nararamdaman. 

3. Milenyal-isang pangalang nagmula sa milenyo sa Ingles, ay itinuturing na isang henerasyon na lumaki ng teknolohiya at ang tanyag na kultura na binuo sa pagitan ng 80 at 2000, samakatuwid, sila ay mga taong pamilyar sa teknolohiya.

4. Bully-ito iyong ugaling madalas na pang-aaway, pananakit (sa isip, damdamin o katawan), pagtatawa, panunukso, pagmumura, panlalait, pangmamata, pangangantiyaw, pagbabanta, panggigipit at pambabastos ng isang mas malakas at mas matapang na bata sa isang kapwa niya bata na mahina at hindi makapanlaban na malimit mangyari sa mga eskuwelahan saan mang panig ng mundo.

5. Foundling-isang maliit na bata na iniwan ng magulang at pagkatapos ay nahanap at alagaan ng iba.

6. Lumad-ay isang pangkat ng mga katutubong tao ng katimugang Pilipinas. Ito ay salitang Cebuano na nangangahulugang "katutubo".

7. Meme-nagsimula sa salitang "minime" - salitang griyego na ang ibig sabihin ay "ginagayang bagay".

8. Netizen- Ang katawagang netizen ay pinaghalong mga salitang Ingles na Internet at citizen na literal na nangangahulugan bilang "citizen of the net" o "mamamayan ng net." Sinasalarawan nito ang isang tao na aktibong sumasali sa mga pamayanang online o ang Internet sa pangkalahatan.

9. Tukod-pang suporta o pang tulong,kadalasan ginagamit ito ng mga matatandang di na kaya ang katawan o nanghihina na.

10. Viral- ay isang buzzword na ginamit upang ilarawan ang anumang nilalaman o media na malawak na ibinahagi sa pamamagitan ng mga social network at online. Ang konsepto ng "pagpunta viral" ay umaabot sa maraming mga medium, kabilang ang mga video, larawan, laro, artikulo, o kahit na saan.

MGA SALITANG NAUSO NOONG 2014

1.Peg - ito ay parang "mood", "style" o "trip" ng isang tao. Halimbawa mala tito sen ba ang peg mo ngayon? Ibig sabihin, feeling copying machine ka ba?.

2.Selfie - Ang selfie ay nagmula sa salitang “self” o “sarili” na ang ibig sabihin ay pagkuha ng larawan sa sarili habang hawak ang cellphone o camera.

3.Kalakal - Ang salitang Kalakal ito ay nangangahulugan ng Paninda. o isang bagay,materyal o produkto na maaring pagkakitaan.

4.Storm surge -  Ang storm surge o daluyong ng bagyo ay ang hindi pangkaraniwang pagtaas ng tubig sa dalampasigan habang papalapit ang bagyo sa baybayin.

5.Endo - Ito ay pinaikling salita na ang kahulugan ay  "end of contract" : tabahador na biktima ng kontraktwalisasyon.

6.Hashtag - Ang hashtag ay isang salita o pariralang walang puwang na pinangungunahan ng simbolo ng hash (#). Ito ay isang uri ng metadata tag. Ginagamit ito madalas sa mga websayt na pang-social network o microblogging.

7.CCTV - Ang CCTV ay isang acronym sa Ingles na " closed circuit television " na isinalin sa Espanyol ay " sarado na circuit telebisyon ", binubuo ito ng isa o higit pang mga surveillance camera na nakakonekta sa isa o higit pang mga monitor ng video o telebisyon na muling ginagawang mga imahe na ipinadala ng mga camera.

8.Bosing – tawag sa “boss” o sa namumuno sa isang trabaho.

9.Riding in tandem - Dalawang tao na magkasabwat sa trabaho. Ang trabaho nila ay gumawa ng krimen at tumatakas sila gamit ang kanilang motorsiklo.

10.Whistle blower - taong magbibigay ng impormasyon tungkol sa masasamang balak ng isang samahan o organisasyon.

11.Imba - Isang salitang balbal na maikli para sa "kawalan ng timbang," nagmula ito sa mga online game kapag ang isang bagay o ang isang tao ay masyadong mahusay o sobrang lakas na mayroong isang malaking kawalan ng timbang sa mga dinamika, at magiging makatarungan at hindi makatuwiran na asahan ang isang patuloy na nakikipagkumpitensya.

12.Filipinas - Ginawa ito upang masabi natin na "ginagamit natin ang ating hiram na titik" ayon sa KWF. Naglabas kasi ng resolusyon ang Komisyon sa Wikang Filipino (KWF) noong Abril 12 na naglalayong “ibalik ang gamit ng `Filipinas’ habang pinipigil ang paggamit ng `Pilipinas’ upang mapalaganap ang opisyal at modernisadong katawagan ng bansa na kumikilala sa kasaysayan at pag-unlad ng pagkabansa nito.”

13.PDAF - Ang totoong kahulugan ng PDAF ay " PRIORITY DEVELOPMENT ASSISTANCE FUND" sa ating mga Pilipino mas kinikilala natin ito sa tawag na Pork Barrel. Ang pork barrel o PDAF ay nagmimistulang pondo ng bawat senador o congressman para sa mga batas o proyekto na kanilang inilatag sa mga nasasakupan Nila at sa mamamayang Pilipino.

MGA SALITANG NAUSO NOONG 2012

1.Wifi - Ayon kay Cerda, ang salitang Wifi ay bunga ng salitang “Internet.”

2.Android - Ayon kay Atienza ito ay isang operational system na nagpapahintulot sa mga taong mag-multi-task, dahilan kung bakit makauugnay ang mga Pilipino sa salitang Android.

3 Pick-up Line - anumang pahayag na nagsisimula bilang isang pag-uusap ng hindi pa magkakilalang lalaki at babae.“Depende sa intensiyon at sa bisa ng linya, maaaring [ihanay ang Pick-up Line] bilang isang hirit, banat, cheesy o korny, green joke at ‘pagbasag’,” ani Rodriguez.

4.Trending - isang pagkilatis sa pagiging mahalaga at napapanahon ng mga salita.Ito rin ay walang katapusan at nadaragdagan sa araw-araw na diskurso sa Internet,” ani Sanchez.

5.Fish Kill - ito ay tumalakay sa kalagayan ng yamang-dagat ng Pilipinas. Ayon kay McGlone, ang bansa ay unang nakaranas ng malawakang fish kill noong Pebrero 2002 sa Bolinao, Pangasinan.

6.SALN - ( Statement of Assets, Liabilities, and Net worth) ay binigyang kalikhaan ni Capilos sa pagpapamalas ng iba pang maaaring pagpapakahulugan sa mga letrang S-A-L-N: “Sa Accountant at Lawyer Nakasalalay,” “Si Aquino Laging Nambu-bully,” “Sinotto Ang Lahat ng Nabasa at Narinig,” at iba pa.

7.Impeachment - isang pormal na proseso ng pagsasakdal sa isang mataas na opisyal ng pamahalaan,teleserye ng totoong buhay ng mga politiko, at hakbang sa repormang politika na may diin sa aktibong pakikibahagi ng mga mamamayan

8.Wagas - ito ay nangangahulugang dalisay, matapat, at walang halong pag-iimbot o pagsasamantala.Ayon kay Lim, sa kasalukuyan, ito ay nagiging isang pahayag na lamang ng labis na pagkamangha o hindi kinakaya ng karaniwang damdamin.

9.Palusot - sinasabi ni Elyrah Salanga propesor sa UP ang salitang ito ay  nahahati sa dalawang bahagi na “pa–“ at salitang-ugat na “lusot” na nangangahulugang paglahad sa makipot na butas, siwang o puwang, o anumang maaring daanan, pagtatagumpay sa isang suliranin, at palihim na pag-aabot ng bagay sa sinuman.

10.Wangwang - “Ang salitang ito (wangwang) ay may potensiyal na magpakilos… Sa pamamagitan ng pagbibigay diin sa bagong kahulugan nito, ang wangwang bilang pag-iingay, pagrereklamo, pangangampanya, [at] panawagan,” ani San Juan.

11.Level-up - ito ay pagpapataas o pagpapaunlad sa nasusukat na antas ng buhay.

12.Pagpag - ayon kay Torralba, ay mayroong diksyunaryong kahulugang pagwasiwas, pag-alog, at pagtampal nang paulit-ulit upang maalis ang duming nakadikit. Ngunit sa kasalukuyan, ang salitang pagpag ay tumutukoy sa scavenger food o pagkaing hinahalungkat mula sa basura upang kainin o pagkakitaan.

MGA SALITANG NAUSO NOONG 2010

 1. Jejemon- Ang salitang “Jejemon” ay sinasabing nagmula sa mga tagagamit ng internet na nagta-type ng “hehehe” bilang “jejeje” marahil dahil ang “jeje” ay nanggaling sa Kastila na ang mga nagsasalita ay ginagamit ang salita bilang pantawa o dahil ang mga titik ng “h” at “j” ay katabi ang isa’t-isa at ang sinasabing “-mon” ay nanggaling sa Hapones na anime na Pokémon. 

2. Emo- ay naging tanyag sa Pilipinas nang mauso ang mga banda na nagpahihiwatig ng malulungkot na liriko. Ang mga taong tumatangkilik sa ganitong uri ng musika ay binansagang “emo.”3. Korkor- ay ngangahulugang “koreano,” napansamantalang naninirahan sa Pilipinas upang mag-aral ng salitang Ingles.

4. Solb - ay nagsimula sa salitang ingles na solve na nangangahulugang ayos na ang problema.

5. Spam- ang salitang tumutukoy sa luncheon meat na tatak ay SPAM, na ayon sa tagapagsalita na si Genaro Gojo Cruz, ay isang bagay na madalas makita sa hapag ng mga Filipino mula sa kanilang mga kamag-anak sa ibang bansa. Nakuha rin dito ang mga katawagang “spam e-mail,” at “flooding,” mga terminong ginagamit sa Internet.

6. Namumutbol- ang salitang tumutukoy sa luncheon meat na tatak ay SPAM, na ayon sa tagapagsalita na si Genaro Gojo Cruz, ay isang bagay na madalas makita sa hapag ng mga Filipino mula sa kanilang mga kamag-anak sa ibang bansa. Nakuha rin dito ang mga katawagang “spam e-mail,” at “flooding,” mga terminong ginagamit sa Internet.

7. Ondoy- ang bagyong sumalanta sa bansa noong nakaraang taon. Dinadagdagan ito ng mga panlapi upang makabuo ng salita, tulad ng “inondoy,” “ naondoy” at “ondoyin.”

8. Ampatuan - ang bagyong sumalanta sa bansa noong nakaraang taon. Dinadagdagan ito ng mga panlapi upang makabuo ng salita, tulad ng “inondoy,” “ naondoy” at “ondoyin.”

9. Tarpo- Tarpaulin naman ang pinanggalingang salita ng “tarpo” na naging basehan ng katanyagan ng isang kandidato sa nagdaang halalan.

10. Load- ay tumutukoy sa prepaid load na ginagamit sa pag-text at pagtawag sa cellphone.

11. Unli- na mula sa salitang unlimited ay ang walang hangganang pagte-text sa loob ng ilang araw. 

MGA SALITANG NAUSO NOONG 2004

1.Ukay-ukay- ay tindahan sa Pilipinas ng mga segunda manong damit at mga kagamitan gaya ng mga sapatos, bag at kung ano-ano pang aksesorya.

2.Kinse-anyos- isang nagdadalaga o nagbibinata na labing-limang taong gulang.

3.Text- isang salitang slang na tumutukoy sa paglikha at paghahatid ng mga maikling electronic na mensahe ng teksto sa pagitan ng dalawa o higit pang mga gumagamit ng mobile device sa isang network.

4.Jologs- uri ng pananamit na kung tawagin ay baduy o labas sa uso.Tumutukoy din ang jologs sa fans ni Jolina Magdangal noong 2004.

5.Otso-otso- isang awitin ni Bayani Agbayani na lumabas noong 2004 na nagkaroon pa ng usong "dance craze".

6.Salbakuta- nagmula sa salitang "salvaje" (Espanyol) na nangangahulugang mabangis, mailap, hindi sibilisado, taong-bundok at hijo de puta (Espanyol) na nangangahulugang anak ng puta.Isang uri ng pangmumura na ang ibig sabihin ay malikot na bata.

7.Fashionista- taong maporma at mahilig sa mga damit.

8.Datíng- di-pormal na kumbersasyon upang tukuyin ang impresyong naiiwan sa isang tao ng pagmumukha, bihis, pananalita, at kilos ng isang indibidwal. Halimbawa, ‘Suplada ang datíng ng kaibigan mo.’

9.Tapsilog- pagkaing Pinoy na pinagsamang tapa, sinangag, at itlog.

10.Tsugi- salitâng mapanlibak, tumutukoy sa tao, bagay, karanasan, o pangyayari na hind kanais-nais o hindi nakapasá sa pamantayan ng maganda, maayos, at mabuti ng pumupuna.

11.Tsika- isang salitang bading na ang ibig sabihin ay hindi seryosong usapan o bolahan.

12.Dagdag-Bawas- nauso noong eleksyon ng 2004 na ang ibig sabihin ay tumutukoy sa taong nakakakita ng anomalya at hindi ito makompone, nagugulo ang kaniyang konsepto ng kaayusan at kagandahang-asal.

13.Terorista/Terorismo- tawag sa tao o mga taong naghahasik ng kaguluhan sa isang bansa at kumakalaban sa gobyerno para lang mapaalis ang kapangyarihan nito sa partikular na lugar. 

14.Canvass- salitang pinauso ng mga Pinoy noong eleksyon ng 2004 na ang ibig sabin ay tawag sa pangangampanya ng isang kandidato o ang pag-akit at paghingi ng mga boto.

KULTURANG POPULAR: Messenger at Shopee

Ang kulturang popular ay masasabi nating isang paraan ng mga tao upang maramdaman ang pagtanggap  saatin ng nakararami. Ang pag-ayon sa kulturang popular, ang nagpapadama saatin na tanggap tayo ng modernismo dahil ang kulturang popular ay kadalasang nagmumula sa mga modernong produkto ng mga kumpanya at modernong mga bansa. Ang kulturang popular ang kadalasang nagbibigay ng depinisyon kung ano ang maganda at kung ano ang katanggap-tanggap. Lalong-lalo na ngayong pandemya, napakaraming mga tao ang nawili sa mga bagay bagay na siyang nagbigay saatin ng kasiyahan.

Sa pag-usbong ng internet, computer, cellphone at mga gadgets ay siya ring pagdating ng mga social networking sites gaya na lamang ng Messenger. Ito ay isang online apps na kung saan ginagamit ito ng buong mundo mapalalaki man o babae, bata man o matanda ay gumagamit nito ngunit ang may pinakamaraming gumagamit nito ay mga tenedyer. Ang tungkulin nito ay upang manatiling konektado tayo sa lahat ng taong malalapit saatin at narito din ang lahat ng kailangan natin upang makaramdam tayo pagmamahal sa ating malalapit na paboritong tao. Pinapagana ng Messenger ang mga pag-uusap sa loob ng Facebook, at Instagram. Ang messenger ay ginagamit para sa munting pakikipag komunikasyon sa isa't isa at para sa lahat. Sa tulong nito mas lalo tayong nagkakaintindihan at  naipapadala natin ang mensaheng gusto nating iparating sa pamilya, kaibigan, mga kapwa at iba pa. Ngunit hindi lamang pagtete-text at pagpapalitan ng mga salita ang nagganap dito, maari rin tayong mag video call na kung saan pwede nating makita ang taong nasa kabilang linya. Dahil dito natutugunan nito ang ating pangangailangang emosyonal tulad ng lungkot, pagod, pangungulila at lumbay na kung saan napapawi ito at tayo'y nagiging masaya. Nagkakahalaga ito ng 10-70 pesos, sa 10 pesos pwede kalamang mag texting o magpalitan ng salita sa loob lamang ng tatlong araw (3 days) at sa 70 naman pwede kanang makipag-video call buong araw o kahit kailan mo gusto at sa loob ng pitong araw (7 days) pwede kadin manood ng video at magpalitan ng salita, pwede din naman mag videocall sa 10 pesos ngunit limitado lamang ang iyong mb dahil pwede itong maubos agad-agad. Tila napakadali nalamang para saatin ang makipag-usap kahit sa malayong lugar o bansa payan dahil ang dating mahabang proseso ng pagsusulatan ay napadali. Ngayon, isang click at touch lamang ay maaari mo na silang makausap.

Ang Shopee ay isa sa kinawiwilihan ng tao ngayon, dahil sa shopee pwede kang magbenta, bumili, magpost, at mag live selling. Isa ito sa napakagandang imbensyon na nakatutulong sa mga tao na bumili ng mga gamit na kakailanganin nila sakanilang tahanan o bahay. Hindi na nila kailangan pang pumunta sa mga establisyimento ng mga produkto, at makipagsiksikan, pumila sa napakahabang linya sa tapat ng bayaran dahil sa shopee mago-order ka na lamang at ihahatid na nila ito sa iyong bahay. Ang tawag sa bumibili nito ay "online shoppers" at ang tawag naman sa nagbebenta nito ay "online seller". Sa isang pag-aaral na ginawa ng PayPal na may pamagat na “PayPal study reveals more Filipinos are now shopping online” mas maraming babae kesa sa lalaki na nasa Edad 18-30 taong gulang ang gumagamit nito. Ang mga produkto sa online shopping na ito ay nagkakahalaga ng 1 - 50,000, ngunit nakadepende padin ito sa taas o presyo ng iyong bibilhin. Sa tulong ng online shopping naiibsan nito ang ating mga kalungkutan at tayo'y napapasaya at nalilibang. Saaking napagtanungan na kung saan tinanong ko sila kung ano nga ba ang epekto ng online shopping sakanila? Ang kanilang sagot ay, nagiging panlibangan nila ito upang sila'y maging masaya at nakawawala ito ng pagkabagot at lungkot. 

Talaga nga namang napakaganda ng mga kulturang popular na umuusbong ngayon. Kung atin itong titimbangin, ang shopee ay talaga nga namang kinagigiliwan at tinatangkilik ito ng nakararami lalong lalo na mga babae na kung saan sa halagang piso o singko pwede kanang makabili ng gusto mo at napapasaya ka pa nito. Ang messenger naman ay sobra tayong natutulungan na kung saan kahit malayo ang ating mahal sa buhay pwede natin itong makita sa tulong ng videocall na nagkakahalaga ng sampong piso hanggang pitumpu at naiibsan na nito ang ating pangungulila sakanila. Halos pantay lamang ang dulot nito saatin ngunit nakadepende nayan sa paggamit ng bawat isa. Lagi nating pakatandaan na ang kulturang popular ay hindi lahat ay nakakatulong sa atin, minsan ito’y nakakasira din lalo na kung ito’y gagamitin natin sa mga pamamaraang hindi tama at di kanais-nais. Bago natin gawin ang isang kulturang popular nararapat lamang na suriin muna natin ito kung ito ba ay makakatulong sa atin at magbebenepisyo tayo sa tamang pamamaraan. Munting paalala, mag-isip bago gawin.

Mga Kulturang Popular Sa Likod ng Iskren: Emosyonal na Dulot ng ML at Pageants sa Kabataan.

Ang bansang Pilipinas ay kilala sa mga mamamayan nitong masayahin. Kilala tayong mga Pilipino sa buong mundo na nakangiti kahit daanan tayo ng sunod-sunod na mga unos. Ito ay isa sa mga natatangi nating mga katangian na namana rin ng mga kabataan sa henerasyon ngayon. Ngunit ang aliw o ligayang hanap rin ba natin sa ngayon ay kasing babaw ng sa nakaraan? Kung tatanungin natin ang ating mga magulang sa kanilang mga pampalipas-oras noon, simple lang naman ang kanilang mga sagot, tulad ng pagligo sa batis, pamamasyal sa parke, pangunguha ng prutas sa kakahuyan at pagpapatugtog ng mga awiting 70's at 80's sa kanilang mga VCD tapes.

Ang larong "Mobile Legends" at ang pagkawili sa mga "Beauty Pageants" ay parehong ilan lamang sa kinababaliwan ng kabataan sa makabagong henerasyon ngayon. Ito ay mga kulturang popular na niyakap at tinangkilik ng nakararami ngunit mas malaking bahagdan sa mga ito ay ang kabataan. Isa itong Mass Culture na ipinakilala sa masa upang maghatid ng ligaya.

Ayon sa pag-aaral ng Polytechnic University of the Philippines Laboratory High School, ang larong "Mobile Legends (Bang Bang)" ay tinatangkilik ng mga kabataan lalong-lalo na ang mga estudyanteng naisisingit ito pagkatapos ng klase at bakanteng-oras sa bahay.  Ang kulturang ito ay nagkakahalaga ng P50.00 para sa tatlong araw na paglalaro. Ang larong ito ay isang online game kung saan ang layunin nito ay pataasin ang ranking ng isang manlalaro kung kaya't nahuhumaling at nasusubok nito ang kabataan. Isa itong larong nagbibigay suporta sa emosyonal na pangangailangan nila sa sportmanship ngayong Quarantine.

Sa kabilang banda naman, ang Pilipinas ay itinuturing na isa sa mga "Power House" sa larangan ng "Beauty Pageants". Sa katunayan, pangalawa tayo sa pinakamaraming naiuwing korona sa iba't-ibang entablado ng pagandahan sa buong mundo. Ang Pilipinas ay tahanan ng mga "Beauty Queens" kapantay ang bansang Estados Unidos na parehong may labing limang korona mula sa Big Four Beauty Pageants— Miss Universe, Miss Earth, Miss International at Miss World. Nangunguna ang Venezuela na may dalawampu't tatlong korona, ayon sa tsart ng Statista. Ang kulturang ito naman ay partikular sa mga kasapi ng LGBTQ+ Community ngunit may iilan ding mga babae at lalaking tumatangkilik nito. Upang masubaybayan ang kulturang ito, kinakailanga  na laging nakabantay tayo sa Youtube na siyang pangunahing platform sa panonood nito. Nagkakahalaga ng P100.00 ang prepaid load upang maging updated sa loob ng isang linggo. Nakatutulong ang "Beauty Pageants" sa emosyonal na estado ng kabataan na palakasin ang kanilang kumpiyansa sa sarili. Isa sa mga pinanghahawakan ng mga manonood ay ang binitawang salita ng ating Miss Universe 2015 na si Bb. Pia Wurtzbach," Be confidently beautiful with a heart".

Sa gitna ng mga naitutulong ng mga kulturang binanggit sa emosyonal na pangangailangan ng mga tumatangkilik sa mga ito, hindi pa rin natin maitatago ang negatibong epekto nito sa kanila. Ang mga panandaliang aliw ay may kaakibat ding ikasasama. Gaya ng ipinakitang pag-aaral patungkol sa larong "Mobile Legends (Bang Bang)", ang mga kabataang babad ng apat hanggang labing dalawang oras ay maaaring magdulot ng negatibong epekto sa kalusugan, pag-aaral at mga responsibilidad nila bilang mga anak. Samantala, ang "Beauty Pageants" na ating kinagigiliwan ay maaari ring maghatid ng maling pananaw sa mga manonood. Gamit ang media, nakararanas din ang mga kandidata maging ang mga tagasuporta ng mga negatibong komento o mas kilala sa "pambabash". Minsan, dahil din sa "Beauty Pageants" nagkakaroon tayo ng mga matataas na pamantayan sa kahulugan ng kagandahan kung kaya't maraming indibidwal ang desperadong kumamit ng "Beauty Queen Standards".

Ang mga epektong ito ay hindi natin maitatangging dulot ng media. Responsibilidad ng mga magulang ang maingat na patnubay sa kabataan sa pagtangkilik ng mga kulturang popular na nagsusuporta na kanilang emosyonal na pangangailangan ngayong nasa gitna tayo ng pandemya. Para naman sa ating mga kabataan, lagi nating isaisip lahat ng ating mga gagawin, maging responsable sa lahat ng bagay at iwasang makaapak ng dignidad ng iba. Laging pakatandaan ang kasabihang, "Lahat ng Sobra ay Nakasasama".